Frábært

Hvað þjóðverjar taka hart á svona trufluðum trúarsöfnuðum.

Cruise aftur meinaður aðgangur

Athugasemdir

[Alvy Singer, 5.7.2007 kl. 13:58]

Ég sé að þú hefur áhuga (áhugi er reyndar ekki sama og styðja ákveðin mál) á einstaklingsfrelsi og félagslegu jafnrétti en þér er slétt sama um trúfrelsi. 

[Alvy Singer, 5.7.2007 kl. 14:05]

Síðan er það annað mál hvort Vísindakirkjan geti verið kölluð trúarsöfnunður 

[Steinn E. Sigurðarson, 5.7.2007 kl. 14:15]

Nei, mér finnst fátt hættulegra í þessari veröld en skipulögð trúarbrögð, það er ekki það sama og að vera sama um trúfrelsi.

Mér er í stuttu máli sagt, sama hvað hver vill trúa fyrir sig, en um leið og fólk fer að hópast saman til að trúa sama ruglinu, heilaþvo aðra (og hvaða önnur vitleysa það er sem svona söfnuðir taka sér fyrir hendur), þá er það að mínu mati hættulegt. Vísindakirkjan er dæmi um sérlega hættulegan trúsöfnuð, sem var stofnaður eingöngu í þeim tilgangi að svíkja undan skatti, og græða peninga á saklausu, einföldu fólki.

Frábært að þjóðverjar sjái þetta svona í hendi sér. Ég vona bara að skipulagðri trú verði úthýst sem þeirri geðveiki sem hún er fyrr frekar en síðar.. en ég er ekki bjartsýnn varðandi það.

[Púkinn, 5.7.2007 kl. 15:44]

Málið er bara það að Vísindakirkjan er ekki viðurkennd þar sem trúfélag - og getur engum um það kennt nema sjálfri sér, því hún reyndi að hindra birtingu rita sinna á þeim forsendum að þar væri um viðskiptaleyndarmál að ræða.  Dómstóll úrskurðaði að einungis fyrirtæki gætu átt viðskiptaleyndarmál, þannig að lokaniðurstaðan varð sú að Vísindakirkjan væri ekki trúfélag.

Púkinn hefur annars skrifað nokkru sinnum (sjá þennan hlekk) um leyndarmál Vísindakirkjunnar, en hins vegar er það skoðun Púkans að þótt boðskapur Vísindakirkjunnar sé fáránlegur og siðferði þeirra vafasamt, þá eigi það sama við um allt, allt of mörg "hefðbundin" trúfélög.

[Haraldur Haraldsson, 5.7.2007 kl. 17:17]

Sammála þér  Steinn/þetta er ekki ekki liðandi alls ekki/Halli Gamli

[Arnþór Guðjón Benediktsson, 5.7.2007 kl. 20:46]

Ég er bara svo innilega sammála þér Steinn. Trú er góð en trúarbrögð er bara það, brögð til að nýta fólk fjárhagslega eða persónulega. Það finnst mér segja mikið að vísindakirkjan var sett á laggirnar af höfundi vísindaskáldsagna.

[Svanur Sigurbjörnsson, 6.7.2007 kl. 00:50]

Það er merkilegt að fólk haldi að það geti aðskilið persónulega trú og trúarbrögð, líkt og fyrirbærin séu ekki skyld.  Fólk hópar sig alltaf saman með það sem það hefur áhuga á hvort sem það er trú eða annað.  Áhugi einstaklinga er oft sprottinn úr akveðnu samfélagi og öfugt.   Skiplögð trúarbrögð viðhalda áhuganum og breiða út humyndakerfin, sama hversu heimsk þau eru.  Heimsk trú einstaklinga er ekkert endilega skárri.  Það er ekkert þannig að trú sé góð en trúarbrögð slæm.  Það er svipað eins og að segja að fótbolti sé fínn en fótboltafélög slæm.  Ef að hugmyndin er slæm til að byrja með verður hún auðvitað ekkert betri í félagi með öðrum.