Og Lennon sagði

Hættu að nauðga sama gamla laginu, montrass..
mbl.is Liam Gallagher telur afturgöngu Lennons hafa heimsótt sig
Tilkynna um óviðeigandi tengingu við frétt

Jon Stewart er snillingur

Greinilegt að maður þarf að finna download skóna sína og checka á daily show þáttum síðustu viku, en þættirnir geta verið alveg óborganlega fyndnir. Mæli sterklega með þeim fyrir þá sem hafa áhuga og pirring á bandarísku stjórnmálaástandi.
mbl.is Jon Stewart leitar að íslenska hernum
Tilkynna um óviðeigandi tengingu við frétt

Langur armur réttvísinnar tryggir öryggi samfélagsins enn á ný!

Nú mun sá lamdi vera óhultur í heila tvo mánuði! Vonandi tekst honum að rukka inn bæturnar sínar á þeim tíma, og þurfi því ekki að sækja þær án gulltryggðrar verndar skilorðsbundna dómsins!

 

 

 

Í alvöru talað, þó ég þekki ekki þetta tiltekna mál, þá hljómar þetta hálf veiklulegt. Við lestur svona frétta getur maður ekki annað en hugsað að kannski væri betra að taka aftur upp opinberar hýðingar, þegar fangelsin eru full. Eða kannski gefa þessum ofbeldismönnum estrógen ígræðslur, gera þá aðeins mýkri ;-D


mbl.is Skilorðsbundið fangelsi fyrir líkamsárásir
Tilkynna um óviðeigandi tengingu við frétt

tapsæri?

Svona svona krakkar mínir, verið ekki svona tapsár, þó exbé hafi drullað á sig og verið næstum skilinn útundann af íslensku þjóðinni, þýðir það ekki að múgurinn hafi betra minni en í gær, svo þið fáið örugglega annan séns. Alltaf þörf á fleiri álverum og svona svo innflytjendurnir hafi eitthvað að gera.
mbl.is SUF lýsir yfir áhyggjum af stefnuleysi ríkisstjórnarinnar
Tilkynna um óviðeigandi tengingu við frétt

Trú, trúarbrögð, hugsanir og frelsi

Ég var að lesa yfir (ekkert svo) gamla umræðu á blogginu hjá mér eftir að ég lét hörð orð falla í garð vísindakirkjunnar.

Einhverra hluta vegna (líklega þreytu) hef ég ekki svarað síðustu athugasemdinni við færsluna, en hún vakti mig engu að síður til umhugsunar núna áðan.

Þar er þeirri ágætis skoðun varpað fram að það sé tilgangslaust eða ómögulegt að aðskilja trú einstaklings og trúarbrögð -- það væri svipað og að kalla fótbolta góða hugmynd en fótboltafélög slæma. Þetta finnst mér full mikil einföldun og vildi þess vegna útskýra betur þá afstöðu mína að mér sé sama hvað hver trúir fyrir sig, en þegar fólk hópar sig saman um að trúa sama þvættingnum þá þykir mér nóg komið.

Munurinn á þessu tvennu hefur ekkert með hugmyndirnar að gera -- heldur framkvæmdina. Ég trúi því ekki að nokkur einstaklingur eigi að lesa það uppúr bók, eða éta úr munni annars hvað honum á að finnast um lífið og tilveruna, en trúarbrögð stuðla einmitt að því. Nú geta allir trúaðir menn og trúfræðingar þrætt um það eins og þeim sýnist, en það breytir því ekki að fólk sem aðhyllist trúarbrögð vill meina að það hafi rétt fyrir sér gagnvart lífinu og tilverunni, og að ég hafi rangt fyrir mér. Mjög margir söfnuðir "umbreyta" einnig fólki actively, og trúa því að það sé þeim sjálfum og hinum nýlega umbreyttu fyrir bestu.

Með því að ákveða að hafa áhrif á trú annars fólks, og reyna að heilaþvo (ég vildi að það væri til smekklegra orð fyrir þetta, en sannleikurinn er sár) það, þá er orðinn grundvallar munur á fallegri hugmynd sem einstaklingur trúir fyrir sig, og er hvorki mitt mál né nokkurs annars að setja útá þann einstakling eða hans hugmyndir, og svo skipulögðu félagi sem hefur það markmið að sannfæra alla um að trúa blint, óháð staðreyndum eða raunverulegum þáttum lífsins, á þessa sömu hugmynd.

Þess vegna lít ég á trúfélög sem öfgahópa sem er ekki sama hvað mér finnst og ég hugsa.

Fólk er svo fljótt að gleyma því hvað trúarbrögð hafa ótrúleg aðskilnaðaráhrif á heiminn, orsaka gríðarlega mikið af mannlegum hörmungum, stríð í versta falli.

Ég heyrði afskaplega vel mælta setningu frá einum trúleysingja eitt sinn, en hann sagði "Organized religion is a dangerous luxury we cannot afford if we want to survive in harmony, and avoid extinction".

Varðandi samlíkinguna við fótbolta og fótboltafélög, þá væri hún nákvæmari ef fótboltafélög væru þekkt fyrir að heilaþvo fólk, féfletta það, og myrða þá sem aðhyllast ekki félagið. Reyndar við nánari athugun á hegðun margra fótboltabullna þá gæti verið að fótboltafélög séu mun verri hugmynd en fótbolti.

Til skýringar þá flokka ég mig ekki í neinn tiltekinn hóp eins og t.d. atheists eða agnostics, eða annað slíkt, veit varla hver er munurinn á þeim öllum. Ég er bara venjulegur maður sem hætti að trúa á jesú rétt eins og jólasveininn, og var svo heppinn að eiga foreldra sem leyfðu mér að velja sjálfur hvort ég vildi vera skírður og hluti af þjóðkirkjunni. Ég held það sé margt óútskýrt og óvitað í heiminum okkar, og vísindin mjög stutt á veg komin með að kanna hann, en ég sé enga ástæðu til að deila frekar mínum þvættingi með öðrum ;-) ... það gæti bara endað illa.


Afhverju?

Ég er kannski forvitnari en næsti maður, en mér finnst svona frétt þurfa að innihalda einhverja útskýringu. Ef báðar komu í mark á 11,01 sekúndu, þá sér maður ekki í svipinn neina ástæðu til að dæma aðra hvora í 2. sætið. Nema ef ske kynni að vera að bandaríkjamenn tapi by default fyrir utanríkisstefnuna sína.

Frá öðru sjónarhorni má náttúrulega spyrja hvort þetta þýði að nú sé kominn tími á betri mælitæki?


mbl.is Í mark á sama sekúndubroti
Tilkynna um óviðeigandi tengingu við frétt

Líkn (og útgáfutónleikar)

Um daginn hélt hljómsveitin Líkn útgáfutónleika sína á tónleikastaðnum Organ, og sem samstarfsmaður Varða í Andrými var ég að sjálfsögðu á svæðinu þeim til halds og trausts.

Ég verð að viðurkenna að eftirvænting mín var afskaplega mikil, en bakvið Líkn er flókin saga sem ég hef séð að hafði talsverð áhrif á vin minn hann Varða, og þegar hann tjáði mér í vor að þeir væru að byrja að spila aftur vöknuðu blendnar tilfinningar. Bandið hafði nefnilega flosnað upp stuttu eftir upptökur og hljóðblöndun síðustu plötu, 2004-2005, vegna einhverja samstarfsörðugleika fékk ég á tilfinninguna, og var það mjög leiðinleg reynsla fyrir Varða, en hann talaði oft um hversu frábært hefði verið að spila með þeim, þrátt fyrir að vera ekki sáttur við þá stefnu sem platan tók.

Ég var ekki svo hrifinn af plötunni þegar ég heyrði hana fyrst fyrir svona einu og hálfu ári -- það voru vissulega góðir kaflar þarna inn á milli, og formúlan var þess efnis að hún ætti að virka fyrir mig, djassskotið rokk með industrial áhrifum, en það var eitthvað of langdregið þarna fannst mér. Of langt á milli sterku kaflanna, og kannski fulllangir fíngerðir kaflar sem voru ekki áhugaverðir við fyrstu sýn. Eftir meiri hlustun óx hún á mér, en er samt eiginlega of róleg fyrir mig.

Ef ég miðaði þetta við efni sem Varði spilaði fyrir mig af sólóplötu sem hann var að vinna í á þessum tíma, þá fannst mér það mun kraftmeira og áhugaverðara. Auðvitað á þessum tíma var Líkn ekki virkt band, og ég hafði ekki tækifæri til að hlusta á þá live, en ég heyrði einhverjar live upptökur, og það var eins og gjörólíkt band! Tónlistin beinlínis ólgaði af krafti og tilfinningum, sem mér fannst vanta í pródúseruðu plötunni.

Þegar Varði sagði mér að hann hefði tekið saman við Binna og Nonna til að endurvekja Líkn fylltist ég vissulega eftirvæntingar, og vonaði að þeir væru jafngóðir eða betri en þær live upptökur sem ég hafði heyrt. Áhugi minn jókst enn meira þegar ég fékk að heyra ómixuð lög sem þeir tóku upp fyrir ca 3 vikum á Húsavík, fyrir nýja plötu, en besta leiðin til að lýsa fyrstu hlustun minni á þau lög er að ég fékk gæsahúð oft og mörgum sinnum. Orðið tilhlökkun er alltof hógvært fyrir tilfinningar mínar gagnvart þeirri plötu.

Af þessu blaðri mínu að dæma þá gekk ég greinilega ekki alveg óundirbúinn inn á þessa tónleika. Ég hafði í raun miklar væntingar, og ég varð ekki fyrir vonbrigðum! Ég vildi óska þess að einhverjir prentmiðlar hefðu verið með fulltrúa á svæðinu til að geta fjallað um tónleikana frá óháðum útgangspunkti, sem ég hef því miður ekki, en í stuttu máli sagt var sándið frábært, tilfinningarnar og krafturinn í hámarki. Fyrstu 3 lögin ca. voru tekin án bassaleikara, þar sem session bassaleikaranum, Valda Kolla, seinkaði örlítið. Nonni er frábær trommari, ótrúlega nákvæmur og hvert einasta högg var afgreitt með hárréttum hraða, og hélt grúvinu í gegnum industrial sýrusprengda gítarnoisið þeirra Varða og Binna algjörlega, hvernig þeim tekst að flétta melódíunum inní þennan hávaða finnst mér torskilið, en það virkar og það heillar. Þegar Valdi bættist í leikinn þéttist sándið auðvitað meira og grúvið styrktist líka. Ólíkt plötunni var minna af tilraunastarfsemi á tónleikunum, lágu kaflarnir fyrir breakin styttri og lögin í raun styttri og þéttari. Ég reikna með að það stafi af öðru ryþma sectioni, og af áhorfendum að dæma á meðan og eftir er þessi samsetning þeirra þremenninga hárrétt.

Hljóðkerfið á Organ er greinilega mjög gott og með Sigga úr Hjálmum á mixernum og hljóðnemunum var við því að búast að þetta myndi hljóma vel, og það gerði það. Í rauninni er algjör synd að ég skildi ekki hafa reddað mér hljóðnemapari til að taka þetta upp, svo gestir bloggsins gætu fengið að hlusta, því ég er hálf orðlaus.

Ég fæ hálfgerðan aulahroll við að skrifa þetta, því ég hef í raun ekkert neikvætt að segja, en staðreyndin er sú að ég er líklega ekki einn um að vera ánægður, þar sem eftir tónleikana voru fjölmargir sem sögðust aldrei hafa heyrt hvorki Líkn né Varða betri live.

En hey, ég er auðvitað ekkert hlutlaus, svo ég hvet fólk bara til að mæta á tónleika og hlusta sjálft, sjálfur hlakka ég til næstu tónleika, og vona að það verði tími fyrir slíka áður en Varði heldur til NY til að taka masterinn í tónsmíðum..


Ekki gleyma Ómega-3

Fiskur er hreinasta snilld, afskaplega próteinríkur og stór (ef ekki stærstur) hluti fitunnar eru Ómega-3 fitusýrur.

Vísindamenn finna fleiri leiðir sem Ómega-3 fitusýrur stuðla að bættri heilsu á hverjum degi liggur við, og mörg hundruð rannsóknir eru nú þegar til sem styðja gamla íslenska þjóðsannleikinn um hollustu lýsis. Ég mæli með að renna yfir vefsíðu Mayo Clinic um Omega-3 en Mayo Clinic er ein virtasta heilbrigðisstofnun bandaríkjanna, og þekkt fyrir íhaldssemi frekar en nýæði. 

 


mbl.is Harðfiskur er enn heilsusamlegri en talið var
Tilkynna um óviðeigandi tengingu við frétt

Frábært

Hvað þjóðverjar taka hart á svona trufluðum trúarsöfnuðum.
mbl.is Cruise aftur meinaður aðgangur
Tilkynna um óviðeigandi tengingu við frétt

Kemur á óvart!

Apple TV Kemur þetta einhverjum virkilega á óvart?
mbl.is Apple hyggst opna myndbandaleigu
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband